Drwy ddosbarthu’r adroddiad hwn, rydym yn gobeithio annog tryloywder ac atebolrwydd yn ein hymdrechion.
Gan fyfyrio ar yr hyn yr ydym wedi'i wneud, yn ogystal â'r hyn yr ydym yn bwriadu ei wneud nesaf, edrychwn ymlaen at barhau â'r daith sydd o'n blaenau.
Roeddem yn falch o groesawu ein Interniaid Graddedig cyntaf ar y cynllun prentisiaeth YMLAEN. Roeddent yn ymgymryd â’n interniaethau hyfforddi ar gyfer graddedigion o gefndir lleiafrifoedd ethnig.
Gwnaethom ymestyn i gymunedau ledled Cymru i annog cyfranogiad democrataidd ac ymgysylltu â gwaith y Senedd, a chynorthwyo ymchwiliadau’r pwyllgorau.
Gwnaethom fonitro amrywiaeth tystion y pwyllgorau i sicrhau bod Aelodau'r pwyllgorau yn clywed gan amrywiaeth o leisiau.
Gwnaethom barhau i ymgysylltu â phlant a phobl ifanc i ddatblygu ymwybyddiaeth ddemocrataidd ac i gefnogi Senedd Ieuenctid Cymru.
Croesawyd pobl i arddangosfeydd sy’n dathlu amrywiaeth yng Nghymru, gan gynnwys arddangosfeydd ar bobl hŷn, pobl ag anableddau dysgu, ffoaduriaid ac arddangosfa ar gyfer Mis Hanes Pobl Dduon.
Fe wnaethom ddechrau casglu’r wybodaeth gefndir economaidd-gymdeithasol ar gyfer ein staff ac ar gyfer ymgeiswyr am swyddi, er mwyn deall yn well pwy sy’n gweithio i ni a phwy sy’n ein gweld yn gyflogwr o ddewis.
Parhau i ddatblygu fel sefydliad cynhwysol lle mae staff wedi cael yr hyfforddiant a’r cymorth sydd ei angen arnynt i fyw yn ôl gwerthoedd ein sefydliad.
Datblygwyd LEAD - ein rhaglenni arweinyddiaeth ar gyfer ein cydweithwyr o Leiafrifoedd Ethnig.
Mae cydweithwyr ar draws y sefydliad yn parhau i gynnwys amrywiaeth a chynhwysiant yn eu gwaith.
Gan gynnwys gwella hygyrchedd ein hystâd i bob ymwelydd, a chydweithio â phartneriaid strategol allanol i’n helpu i wreiddio cynhwysiant ymhellach.
Rydym yn parhau â'n hymrwymiad i greu gweithle cynhwysol, ac yn cefnogi lles ein cydweithwyr ar yr un pryd.
Ynghyd â gwneud yn siŵr bod ein gweithlu’n adlewyrchu’r gymdeithas y mae’r Senedd yn ei gwasanaethu, rydym yn creu amgylchedd lle mae cydweithwyr yn teimlo eu bod yn cael eu cefnogi i wireddu eu llawn botensial.
Rydym yn parhau i wneud y Senedd yn senedd gynhwysol, hygyrch drwy nodi a chael gwared ar rwystrau sy’n atal dinasyddion rhag cymryd rhan yn ein gwaith.
Rydym yn defnyddio’r dadansoddiadau hyn i helpu i lywio ein dull o fod yn recriwtiwr a chyflogwr cynhwysol, er mwyn diwallu anghenion amrywiol staff a cheisio sicrhau bod ein gweithlu’n cynrychioli amrywiaeth y cyhoedd yr ydym yn ei wasanaethu.
chevron_right
