Mae'r Senedd yn arsylwi cyfnod o alaru cenedlaethol yn dilyn marwolaeth Ei Mawrhydi Y Frenhines. Mae busnes y Senedd wedi'i ohirio ac ni fydd mynediad cyhoeddus i adeilad y Senedd tan ar ôl yr Angladd Gwladol.
Beth alla i ei ddisgwyl yn ystod y cam asesu a chyfweld?
Cyhoeddwyd 01/01/2020 | Diweddarwyd Ddiwethaf 16/12/2024 | Amser darllen munudau
Os cewch eich gwahodd i gyfweliad efallai y gofynnir i chi gwblhau asesiad, gall hwn fod yn asesiad ymarferol neu ysgrifenedig a gynlluniwyd i asesu'r sgiliau a'r galluoedd penodol sydd eu hangen ar gyfer y swydd. Rydym yn cynnal canolfannau asesu o bryd i’w gilydd hefyd.
Bydd y cyfweliad ei hun fel arfer yn cynnwys panel o dri unigolyn. Bydd y cyfweliad yn un strwythuredig a fydd yn cynnwys cyfres o gwestiynau yn seiliedig ar yr ymddygiadau cymhwysedd craidd a'r meini prawf sy'n berthnasol i'r swydd a nodwyd yn y swydd ddisgrifiad.
Bydd y cwestiynau a ofynir yn eich galluogi i ddangos i'r panel sut mae eich profiad gwaith a'ch profiadau personol yn awr neu yn y gorffennol yn eich gwneud yn briodol ar gyfer y swydd.
Bydd cyfle i chi ofyn cwestiynau am y swydd hefyd.
